個個都係熟悉的面孔，但你知唔知佢哋全部都係「外國人」？佢哋位位都係揸外國護照，莫非外國月亮特別圓？
劉亦菲 美國籍
劉亦菲原名安風，好細個嗰陣父母就離婚，佢9歲就跟阿媽去美國落地生根，阿媽之後仲嫁畀華人律師，最後連國籍都改埋。
吳亦凡 加拿大籍
大帥哥吳亦凡細個嗰陣喺父母離異後，就隨母親生活，10歲移民加拿大溫哥華，雖然佢係加拿大籍，但佢嘅愛國心絕對唔比內地藝人低！
謝霆鋒 加拿大籍
謝霆鋒祖籍廣東番禺，7歲時跟隨父母移民加拿大，佢之後回流返港喺娛圈發展，仲係第一位80後香港金像獎影帝。
鞏俐 新加坡籍
鞏俐於2008年下嫁黃和祥時，入咗新加坡國籍，但佢入籍新加坡曾經惹起爭議，因為佢都係第一位走向國際嘅內地女星，當時佢仲講過改國籍係自己嘅選擇，唔需要解釋太多。
李連杰 新加坡籍
李連杰在北京出世，但佢1997年曾經申請入籍美國，又喺2009年入新加坡籍，他講過入新加坡籍係為咗子女嘅教育問題。
竇驍 加拿大籍
靚仔小生竇驍小學四年級時隨父母移民加拿大，佢18歲時就參加當地舉辦的《SunShine Nation》，並獲得Sunshine Boyz冠軍。2008年佢返到中國考入北京電影學院表演系，主修攝影。
東網網站 : https://on.cc/
東網Facebook專頁 : https://www.facebook.com/onccnews/
