天后王菲前日（7日）為頂級保養品牌嘅全球代言人官宣夜現身，一向滴水不漏嘅佢幾乎唔會公開講私事，今次為咗品牌，竟罕見地大談結婚標準，仲漏口風直言有領證嘅意向！難得見佢喺活動上侃侃而談，當主持人問到點解接下該品牌代言時？佢竟意外地拎感情做比喻：「就是一見鍾情的感覺吧，找對了適合我的，可以領證的那種。」語畢即大笑，反而變相透露「結婚標準」，只要搵到適合自己嘅人，隨時再婚都有可能，更引起網友猜測佢係暗示目前與男友謝霆鋒嘅感情現狀非常幸福美好。
東網網站 : https://on.cc/
東網Facebook專頁 : https://www.facebook.com/onccnews/
