前亞姐張珮汶（Grace）二月剖腹誕下愛女Alexa，有女萬事足的她為囡囡豪花6位數金額，舉行百日宴，獲百多位親友到賀，其中與其老公Adrian分屬好友的利嘉兒夫婦亦有現身。現場布置夢幻，三個多月大的Alexa成為派對上主角，她坐在七彩繽紛的氣球吊籃內，相當可愛！
一刻都唔想離開個女
Grace受訪時直言為免女兒孤單，會繼續追B：「生多個仔或女都冇所謂！但等多一段時間先，囡囡剛剛三個幾月，我依家每一刻都唔想離開個女！」作為新手媽媽的她，透露現時餵奶粉取代人奶：「原來好多嘢要學，好似掃風咁，試過掃得唔好，搞到BB谷住肚仔肚痛，係咁喊，先知掃風好重要！」
利嘉兒同樣恨生多個B
到賀的利嘉兒以最實際的現金利是作為禮物，她謂：「我哋大家都生咗個囡囡，有共同話題。（Grace有冇請教你湊女心得？）又唔敢話教，交流吓，我哋大家都係新丁，同Grace一樣好想追多個！」
東網網站 : https://on.cc/
東網Facebook專頁 : https://www.facebook.com/onccnews/
