賭王何鴻燊又有喜事發生，賭王圓成他的心願，於本月25日98歲生日前夕，將收藏品圓明園十二生肖銅首的馬首銅像捐贈給國家博物館，是他最開心的生日禮物！其實除了馬首外，賭王2003年時經過一番努力，重金將圓明園豬首從美國買回，並同樣將豬首捐回給國家。
儀式於昨晚在北京舉行，何鴻燊不便遠行，由家人代為出席，而二、三、四房更難得合體。三太陳婉珍與超蓮、猷啟一同出席，未見猷啟太太，而四太梁安琪則與超盈、猷亨、猷君及孻女超欣出席，而剛誕女的猷君太太奚夢瑤未有現身。今次何家又有喜事，早前曾傳不和的三太、四太，昨晚兩人一直都有交流傾偈。
四太接受東網訪問，她開心地說：「捐番畀國家，係何生嘅心願，佢好開心，話係最好嘅禮物。之前2003年都捐過豬首，其實何生八十年代已經都捐咗好多書畫，之前圓明園十二生肖銅首流失海外，何生好積極咁買番馬首、豬首，捐番畀國家。之前新葡京開幕，馬首都有展覽畀市民睇，等大家可以了解吓中國嘅繁華盛世！」
現場所見她和三太相談甚歡？她說：「係有傾偈，三太有賣古董，佢對瓷器好有認識。（之前傳你地不和？）喺歷史文化面前係冇界限嘅，文化可以融合一切。（你地二、三、四房好難得共聚一堂好融洽？）所有人都係為何生出力，唔係為個人。」
今次四太更帶齊子女，包括還在未坐完月的超盈出來，希望他們感受爸爸的一番心血，她續說：「猷啟、猷君同埋超盈，一齊喺豬首前合照，因為今年豬年，佢哋三個分別都生咗屬豬小朋友，一齊合照留念，好有意義！」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
