曾拍過不少電影嘅藝人何華超，受疫情影響最近零工作，本身於西貢擁有農地嘅佢，惟有專心耕田啦！雖然佢擁有嘅農地有成四個籃球場咁大，但因未有完全開墾，所以種嘅植物唔算太多。
但有趣嘅係，佢啲農作物嘅外形非常奇特，連佢都忍唔住幽自己一默，話啲農作物好似中咗輻射咁：「我都唔知點解，准山有啲似靴，有啲唔知係咪我拍得三級片多，啲紅蘿白、蕃蕃好似男性性器官咁，好多朋友都笑我，我都唔知點解。」
近日何華超嘅田裏發現咗一條七呎長嘅蛇，嘩！聽見到覺得打冷震，好彩條蛇發現嘅時候經已死咗，但都搞咗佢一整日，因為要用各種方法測試一下，條蛇係咪真係死咗，先夠膽處理。三個月無工開，對生活當然有一定影響，但何華超覺得呢個時候行行都要捱，依家最希望疫情快啲過。
東網網站 : https://on.cc/
東網Facebook專頁 : https://www.facebook.com/onccnews/
