藝人何雁詩晚上性感到賀甄澤權獲得傑青,中門大開令人嘩然,她卻自嘲:「我喺光棍節買咗大堆衫,呢件買嘅時候唔覺咁低胸,褲腳又長要摺,可能比較適合啲高人。(冇畀男友鄭俊弘過目?)冇呀。」
談到日前男友生日,何雁詩表示有與對方及朋友食飯慶祝,自己亦訂了蛋榚送給對方:「慶祝完我就病咗入醫院。本來送多啲嘢畀佢,但最終都冇,其實我哋唔係好着重呢啲嘢。(生日願望係拉埋天窗?)向呢個方向啦,不過依家社會環境咁,大家都希望開開心心、出入平安同身體健康啦。」
談到無綫將於1月初舉行樂壇頒獎禮,何雁詩表示有聽聞,但未知確實日期。記者打趣問她何擔心如台慶當晚錄影及低調處理,她坦言:「其實最主要唔係歌手攞獎,係大家睇得開心。既然睇嘅人都冇乜心情,低調啲亦無所謂。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/