歌手雨僑早前公布懷孕消息,今日佢喺社交網上載一張化行妝瞓喺床上相,見佢個身形好似冇咩點變,原來係舊相嚟嘅,佢話自己依家太披頭散髮,所以冇影新相,又話回想當時頭三個月就係成日都要瞓喺床,連社交網都少咗更新:「過去三個月(其實再加上之前很進取的調理一段時間)我大概一直就是這個狀態,所以各個社交平台近半年都很少更新了,這對我來說需要無比的勇氣。」
雖然少咗出Post,可能會影響佢網店生意,但佢話照超聲波見到BB好活躍時,就覺得值得:「在照超聲波時看到孩子活躍地踢水就覺得很值得。我曾經是積極度爆錶的超級工作狂,不踏出一步停下來也不知道自己可以的,覺得可以一直不停工作到老,當然有人還是可以,但我發現原來選擇權在自己手上,這一刻覺得甚麼對你來說是最重要的,就盡全力抓住,絕對不要讓自己後悔,或者覺得自己被時間推着走,就對了!」
東網網站 : https://on.cc/
東網Facebook專頁 : https://www.facebook.com/onccnews/