無綫小花林穎彤上午到電台「謝票」，多謝大家支持她獲得樂壇新人獎。談到加入無綫10年，近日已得「老人牌」，她笑說：「我未親身攞（老人牌），嗰日唔得閒，唔想咁快攞到手。我都要好好享受埋呢兩個禮拜，事關新嘅一年，我再唔係樂壇新人喇。」
談到明日與同公司的歌手伍富橋拍合唱歌MV，二人近日經常「出雙入對」，而新歌的拉丁舞步有親密的身體接觸，林穎彤直言對對方相當有信心及放心。至於會否怕對方女友呷醋？她答：「唔會。（你男友呢？）依家努力工作。（你笑到咁尷尬，公司唔畀你哋講拍拖？）係。」
而即將到來的聖誕，她將在工作中度過，不過會參加友人家中的派對，互相交換禮物：「買咗兩份禮物用。（男友呢？）又未諗過買禮物畀朋友喎，諗吓先。（你想收乜？）想買apadter，想快啲過相落部電話度。」
東網網站 : https://on.cc/
東網Facebook專頁 : https://www.facebook.com/onccnews/
