藝人湯洛雯（靚湯）近日為某提拉療程品牌任代言人，並拍攝廣告，她以一襲露肩白色長裙造型現身，仙氣十足！當日拍攝行程非常緊密，但天氣忽晴忽雨，早上走外景時更三度下雨，靚湯笑言好似「小販走鬼」般躲進室內避雨，引得在場工作人員發笑！當停雨之後，靚湯即回復專業mode，保持着一秒換兩個姿勢的節奏，極速追上因天雨而延誤的拍攝進度，相當犀利！
之後，她換上另一套單肩闊褲套裝拍攝硬照，繼續發放笑彈，笑說要「幻想自己係條蛇」，先可以做出最perfect的回眸動作；又即興做出不同逗趣表情，大派心心，冧爆現場工作人員。
當被問到有甚麼保養心得？靚湯表示：「秘訣就冇啦，心境開朗囉！就算再忙，都要識得好好保養，定時定候畀皮膚休息吓，咁就可以keep住young，自然唔會有皺紋，皮膚都唔會dur㗎喇！」
---------------
立即參加「賞您睇」： http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
