32歲嘅內地花旦劉亦菲,喺呢個匿埋喺屋企避炎嘅時期,網友話佢竟然愈匿個樣就愈後生,乜解究呢?佢喺社交網晒咗張床照,攬住個公仔嘅佢大晒素顏,少女味十足!另外兩張相就係佢戴咗眼鏡同頭箍,成個學生妹一樣,仲晒埋玩填色嘅作品,留言:「最近電腦上看書玩遊戲,希望藍光鏡片有點作用(塗色本還是很愛)」
就係因為日對夜對,都係部電腦,所以佢都好錫身,驚睇壞眼甚至提早老花,所以戴埋副藍光眼鏡嚟護眼。網友好搞笑咁話,證明佢真係單身,否則唔使對住嘅係電腦,如果係成日對住個男友,就唔使戴藍光眼鏡護眼啦!
東網網站 : https://on.cc/
東網Facebook專頁 : https://www.facebook.com/onccnews/