台灣女星楊丞琳（Rainie）今年9月同內地歌手李榮浩領證結婚，榮升李太太。今年係Rainie成為人妻後第一年過新年，佢專誠跟老公返北京過年，不過尋晚李榮浩上央視春晚表演，而Rainie呢個廿四孝新抱就留喺屋企，陪奶奶一齊包餃子，打好婆媳關係。
Rainie仲變成「望夫石」等老公返屋企團年，喺社交網晒出多張李榮浩表演嘅相片，留言：「一邊婆婆包餃子，邊看李先生的春晚，一邊等他下班回家。」仲催促老公：「唱完就趕快回家吧」。踏入凌晨12點，Rainie表示收到奶奶畀佢嘅大利是，更指呢封係今年收到嘅第一封。約一小時後，終於等到李榮浩返屋企，仲食餃子食得津津有味，Rainie開心得直呼：「他回家了」。
東網網站 : https://on.cc/
東網Facebook專頁 : https://www.facebook.com/onccnews/