歌手J.Arie（雷深如）最近忙於宣傳新歌，單身的她談到愛情觀，她坦言在愛情當中，自己大多數時候都會比較主動表達情感：「就算我知道有機會被拒絕，又或者對方根本對我冇意思，我都唔會介意講出自己嘅感受，因為我就係鍾意嗰種畀對方知道嘅感覺。」
勇敢表白冇壞
她記得唯獨一次是細個Puppy Love時期，她鍾意了一個好朋友，並諗過在聖誕節去主題公園時趁機表白。但她害怕被對方拒絕，驚到時連朋友都冇得做，最終她說服自己：「情人有機會分手，朋友就可以做一世soulmate。因為我好珍惜佢，我想我哋嘅關係一輩子，所以我最後都冇同佢講到。嗰年就自己一個去咗主題公園，過咗一個Lonely Christmas。依家諗番起，都覺得自己嗰時嘅諗法好青澀好青春，但其實就算講咗都冇壞呀，只要自己面皮夠厚，講咗之後冇hard feeling咪OK囉！所以我好鼓勵大家勇敢表白㗎，不論男女！希望大家今個聖誕節都可以有情人終成眷屬。」
東網網站 : https://on.cc/
東網Facebook專頁 : https://www.facebook.com/onccnews/
