上環荷李活道，近文武廟，新開了一間走日系風格的火鍋店。店子總廚來頭不小，由曾於六星級香港君悅酒店鹿悅掌廚的馬基良主理，他獲獎無數，曾招待許多政府高官，經驗老到。馬師傅擅於創作日西合璧的料理，而且對食材要求高，食物質素自然有保證。
撰文：素岐｜圖片：Fion
上環高質日本和牛火鍋店
餐廳主打日本黑毛和牛、黑豚肉及黑薩摩雞，全部由鹿兒島獲獎農場Nanchiku直送到港。黑毛和牛現時供應七個部位，包括西冷、肉眼、牛柳、牛腿肉、牛胸腹肉、牛肩及牛下肩胛。原件和牛刨成薄片，色澤鮮紅，輕涮幾秒即可食用，食落軟如棉花，滿嘴油脂甘香。特別推介牛肩胛位，脂肪少，肉味濃郁，帶有嚼勁。
鹿兒島黑豚以番薯作飼料，肉質腍身無臊味；黑薩摩雞月產只有300隻，無添加任何激素，脂肪較少，肉質結實 有咬勁。就連湯底也毫不馬虎，用上日本北海道罕有的籠目昆布，以及飛驒天然井水煮成湯底，味道清甜，內含豐富褐藻素，對腸胃有益。
餐牌主要供應午市及晚市套餐，想嘗到最高檔次的廚師發辦，一Set有齊 三款肉、蔬菜拼盤、白飯或稻庭烏冬，以及甜品，份量十足，食到飽肚。
KURO SHABU
地址：上環荷李活道108號聚賢居地下C舖
電話：2832 2028
營業時間：星期一至日11:30am-11pm
