聖誕節未到，但CONY已經感受到好濃厚嘅聖誕氣氛，相信大家已收到唔少派對或聚會邀請，開始要諗定去邊度食、買咩禮物，或者點樣佈置屋企等。其他嘢CONY未必幫到手，但搵食方面CONY絕對有信心，仲早已為大家親身到不同餐廳試食，為你精選了多個聖誕食乜好提案，想一次過睇晒就記得鎖定LINE Today啦！首先來個第一擊，就係港人摯愛嘅酒店自助餐。
唔少人聖誕同屋企人慶祝都會揀選酒店自助餐，因為夠多選擇，唔使為咗遷就各人口味而諗到頭都大埋，而且仲會有聖誕老人派禮物，氣氛一流，啱晒一家大細。除了聖誕傳統美食嘅火雞，個人認為香港萬麗海景酒店的「炫麗聖誕節自助餐」夠晒特別，有多款坊間少見嘅美食，例如地中海藍鰭拖羅、柑橘醃漬三文魚、烤袋鼠肉、聖誕香料酒等，連蒸焗新鮮龍蝦亦載譽歸來。想食得更加矜貴，聖誕當日仲可以加錢食埋魚子醬同飲香檳。
聖誕又少得甜品？呢間酒店嘅甜品一向有水準，今次仲準備咗一系列充滿聖誕和冬日氣氛的甜品，例如聖誕馴鹿蛋糕、聖誕花圈蛋糕及聖誕樹頭朱古力蛋糕，仲有可愛雪人造型甜品，全部都好IGable，更加令你甜入心。
其他必食推介：：
冰鎮海鮮：阿拉斯加蟹腳超厚肉，即開生蠔亦肥美幼滑，回本之選。
即煮麵吧：喇沙雖然唔關聖誕事，不過湯底濃郁，都係必食推介。
燉湯：酒店嘅燉湯都十分出色，清甜滋潤，食到咁上下，飲返碗湯清一清口腔再戰。
除咗以上美食，聖誕自助餐仲包括任飲果汁和汽水，仲有派對禮品，亦有聖誕老人驚喜現身，小朋友見到一定好開心！
炫麗聖誕節自助餐
日期：12月24日及25日
地址：灣仔港灣道一號香港萬麗海景酒店閣樓萬麗咖啡室價錢：
自助午餐：成人$568（$888：額外包括一支香檳及50克魚子醬供兩位賓客享用，只適用於12月25日，最少兩位起）、小童$348（3至11歲）
自助晚餐：成人$738、小童（3至11歲）$438
電話：2802 8888