「氣墊」兩個字在近年的美妝界舉足輕重,除了粉底、胭脂、遮瑕等,不少專櫃品牌亦開始利用cushion的優勢推出唇部產品,實行用氣墊化勻全妝。為何會有氣墊唇筆的出現?無錯,唇膏、唇筆是大部分女生的選擇,畫一兩下就可以令唇形輪廓更完美清晰,成個人立即變得精靈。不過對於化妝newbies及愛淡妝的姊妹來說,硬身線條有時會較易畫錯而且欠缺自然感,氣墊唇筆就以cushion頭控制顏色份量,逐少地染唇,營造出漸變效果的半粉霧唇妝,夠晒清新。CHOCO就收到風,最近連開架品牌都迎來氣墊唇筆,當然要即刻為大家開箱實試!
一打開包裝只見白色海綿頭,要先扭筆身幾下,等唇液滲透出來才抹上咀。而其後每次使用時,只需輕扭一、兩下便可 。不過亦不用太擔心會扭過度,因為海綿頭會吸收過多的唇液,就算稍微過量亦可以輕易畫出靚唇。
搽上雙唇試,由於線條經過cushion化開而不明顯,真係點畫都幾靚。雖然未見品牌所講顯著地減淡唇紋,但就做到爽身之餘又唔乾,用作everyday lip stick都冇問題。氣墊唇筆亦同時揉合了染唇液技術,顏色可以持久地留在唇上。本小姐試過用紙巾捽,甚至食碗麵,唇色縱然轉淡但仍然屬可接受範圍,成功及格過關,推介給懶補妝的姊妹。系列共有8個色調,主打鮮豔的果汁色,用來配搭色彩繽紛的春天使用最適合不過。