今日是831事件7個月，網民發起到太子站流水式獻花，防暴警員則在附近一帶多次截查市民，並在無衝突的情況下拘捕超過 20 人。身處現場的民主黨陳堡明稱，他與另外四名陌生人被警員搜身，被指多於四人集會而被票控。陳堡明批評警方做法是砌生豬肉：「咁岩同唔識既人企埋一齊都拉？」
民主黨陳堡明今日在 FB 發文，稱自己在太子被警方搜身，之後警方要求他們五人站一排，並指控他們多於四人集會，要票控他們。陳堡明在帖文寫道：「丫sir隔離果四個人我唔識架wor？痴線，癲過砌生豬肉wor。咁啱同唔識嘅人企埋一齊都拉？明屈，唔洗立23條喇？有咩癲過咁樣拉？」
《立場新聞》正就事件向警方查詢。
政府指為減少社交接觸應對冠狀病毒病傳播的，訂立《預防及控制疾病（禁止羣組聚集）規例》（《規例》）（第599G章），於 3 月 29 日凌晨零時生效，為期三個月，根據規例禁止於公眾地方進行多於 4 人的羣組聚集會，為期 14 天。
頭先我自己企係度，無喇喇警察行過黎話要搜身，唔關事既快啲走。 驚手足有咩事，所以影低左，一轉身，另一班警察話全部都要搜身，咩料？夾好啲先出聲得唔得 搜完身，佢要我地五個一排，拍住片話我地違反法例，多過四人集會，要票控我地，再比佢地捉到就…
守護言論與新聞自由。立場新聞，寸步不退。
每月贊助支持立場新聞
