港人去日本一定會去「朝聖」嘅平民連鎖超市「驚安の殿堂Don Don Donki」，於香港繼7月份於尖沙嘴美麗華2期開設首間門店後，今日第二間分店今日正式營業喇！
Don Don Donki第二間分店位於荃灣海之戀商場OP Mall，佔地2,479平方米，面積是美麗華門店的兩倍，不過分店就唔係好似美麗華舖開24小時，營業時間只由上午9時至零晨1時。
今年分店面積比美麗華門店大，賣嘅貸品當然亦比美麗華門店多。今次特別擴展了兩個類別，當中日配部門將提供大家日常需求的必備商品，例如新鮮牛奶、急凍即食品及急凍蔬菜。而生活百貨亦首次引入一系列的精選商品，包括寵物食品、床上用品、中型家電，如吸塵機等。
分店並設有一個節日專區，現時臨近聖誕節，Don Don Donki就特設一個聖誕專區，提供一些送禮、裝飾及節日玩貝。
以記者現場所見，今次海之戀店零食類的美味棒、米餅選擇、啤酒類的手工啤、壽司等的選擇，都較美麗華門店多；
而一些首次引入香港的貨品包括有冷凍食品、獨家限定的日本藥妝、來自日本九州鹿兒島櫻島火山周圍地下一千公尺的鹼性溫泉水「財寶水」、沖繩黑豚肉等。
此外，海之戀店亦計劃提供一個美食廣場，並於2020年2月開幕。屆時會有即場製作的大阪燒、關東煮、八爪魚燒、拉麵等美食。
