藝人林盛斌（Bob）9月已踏入40歲，身為一家之主兼經濟之柱，當然受到相當尊重啦！太太Pearl喺Instagram上載番為Bob慶祝嘅相，原來佢當時搞咗個神秘驚喜大型生日派對，邀請咗Bob一班好朋友出席，包括蕭正楠、楊潮凱、張振朗、甄澤權等等，完全唔知情嘅阿壽星仔到場發現後相當愕然，其驚喜表情相當搞笑！
最別出心裁莫過於個生日蛋糕，以酒為主題，一個大酒桶再加一支紅酒，Pearl發文話：「剛過去嘅九月，我幫我地（哋）屋企嘅男主人搞咗個40歲驚喜生日party，當日主角同賓客都好開心，實在係有賴我哋好多朋友嘅幫忙。」網民都大讚Bob嫂100分，平時已經仆心仆命照顧4個仔女，就連老公生日都咁有心機搞，大家都叫阿Bob要錫晒老婆呀！
--------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
