請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【頭條獨家】放棄自己 由索女變凸腩扒女 杜如風爛撻撻超麻甩

星島日報

更新於 2019年11月18日15:26 • 發布於 2019年11月18日13:30
杜如風挨住時裝店門口等車,個樣好唔耐煩,同埋佢會將飲緊嘅紙包飲品放喺地下,行為相當麻甩。
從側面睇,她腰粗凸腩,「災情」嚴重。
杜如風開始不自覺狂摸下巴。
Helen着住自家Tee再襯布鞋加Hermes袋現身銅鑼灣。
2011年,纖瘦的杜如風打扮得好優雅,好淑女。
有傳杜如風與黃又南07年拍過拖,只維持1年便和平分手。
杜如風出道作品為07年的《流行東京》,之後拍過逾10個旅遊節目。

44歲「世界級港女」杜如風(Helen),主持旅遊節目出晒名癲、喪、狂,所以好受觀眾歡迎,因為濕疹問題要長期食類固醇搞到體重直線上升,包包面脹爆上鏡。當事人自知肥腫難分,可惜減肥失敗。日前下午,見到素顏Helen喺銅鑼灣等車,着住自家Tee加四個骨褲,好街坊嘅佢腰粗凸腩相當趕客,加上佢挨牆動作又不斷捽鼻,仲要將紙包飲品放喺地下,要飲先喺地下拎上嚟,行為極度麻甩。難怪Dry咗幾年嘅佢,一路呻冇拖拍,大家明點解啦!採訪:梁志明Helen主持日本旅遊節目出晒名,特色係鍾意講乜就講乜,夠晒真情流露,佢最鍾意晒自己瘋狂購物買名牌買到手軟,搞到買爆行李篋而回。但自戀自大作風唔係個個Buy,儘管你有你鬧,但佢有佢繼續吸金搵銀,除咗旅遊節目長做長有,佢做星級導遊帶團先最襟計,由8萬8千蚊到18萬不等,係咁多名人最昂貴嘅一個,但仍然有唔少捧場客。等車唔聚財
16年Helen飽受喪父之痛,搞到濕疹發作,長期食類固醇令體重直線上升。曾自嘲「肥過部貨車」的她,曾試過飲雜菜湯、到美容院做機,以及用食療和中醫針灸等多管齊下減磅,可惜修身效果反覆,18年初曾經成功瘦過,但之後又反彈。日前素顏嘅Helen,着住自己17年創辦嘅時裝品牌FUNGOLIA Tee,再配Vans布鞋同Hermes袋,一身街坊look喺銅鑼灣百德新街等車,雖知道繁忙時段嘅百德新街人多車多,所以Helen喺街頭等咗十幾分鐘先上到車,等車期間佢唔多耐煩,揸住包檸檬茶放喺地下無耐又拎上手飲,來回幾次,跟住又Loop一陣電話又Send吓Msg。等車感覺好煎熬嘅Helen等到攰仲要挨喺人哋舖頭,摸吓下爬,又不斷捽眼捽鼻,從佢行為可見明顯周身唔聚財,十分鐘唔使已可見證Helen嘅麻甩行為,唔怪得連傳咗10年緋聞男友黃又南都話只當佢係兄弟!

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0