王梓軒下個月就會開入行十周年演唱會，呢期當然忙做Gym，因為男歌手開親Show都話要騷肌。不過日前見到梓軒未算好大隻，見佢一支公去咗Porter(日本品牌)揀銀包，為試真啲銀包嘅袋錢量，佢將自己銀包嗰疊500蚊放落去新銀包，再秤吓再望吓再諗吓，裝得落就入手，眾所周知梓軒有名「神算軒」，經佢計過度過一定無問題。採訪:梁志明梓軒開Show未透露請咗邊個做嘉賓，但就講定演唱會會提早喺晚上7時15分開始，問到係咪遷就交通？佢承認，「希望觀眾開心及安全嚟睇騷。」再問會否擔心取消？佢就話其中一名投資者曾幫周杰倫搞演唱會，「佢叫我唔使擔心，到時會安排穿梭巴士接送觀眾。」如果會展附近變「仙境」呢？投資者幫Michael Jackson搞過演唱會都無用啦。
梓軒原來幾靚仔
當日傍晚6點，戴住金絲眼鏡同穿恤衫嘅王梓軒去銅鑼灣百德新街買銀包，梓軒咩款都望吓，會將信用咭之類嘅東西或一疊500蚊放入新銀包睇吓，見到裝得落唔太脹，入手唔使諗，之後再試斜孭袋，孭上身照吓鏡，個樣好滿足，揀足一粒鐘，梓軒笑笑口離開。
