歌手辛尉和拍拖近20年的前港姐梁佩瑚弟弟梁焯皓結束愛情長跑，於今日舉行婚宴。穿上中式低胸大露背嫁衣的新娘，戴了三對重型龍鳳鈪，行頭十足！而辛尉的藝人好友嚴淑明更陪好姊妹出嫁，一班姊妹團又開心合照。
嚴淑明接受訪問時表示：「我應承咗辛尉會陪佢出嫁，所以今朝凌晨5點鐘起身，7點已經到酒店，新娘子今日超級靚，好幸福，見佢好感動！（你哋點識？）今年已經係我哋相識第8年，我哋真係好好嘅姊妹，佢亦都係我老師，雖然我唔係跟佢學唱歌，但逢我去唱歌，佢都會指點我，我哋係好朋友亦係好師友。」
辛尉是謝霆鋒的初戀情人，她和梁焯皓拍拖後，早幾年已有結婚打算，只是因當時家中有事，加上雙方工作太忙，才暫時放下結婚計劃，不過梁焯皓又覺得和她拍拖多年，也是時候給她名份，故才在去年於梁佩瑚家食圑年飯後，在一家人見證下求她正式求婚。
東網網站 : https://on.cc/
東網Facebook專頁 : https://www.facebook.com/onccnews/
