請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【閨密入廚】蔡少芬陳法蓉大煮賀年菜

明周娛樂

更新於 2020年01月29日05:59 • 發布於 2020年01月29日05:52

新春佳節,蔡少芬(Ada)與陳法蓉(Monica)呢對閨密一齊入廚煮賀年菜:「萬事如意五福袋」、「招菜進寶黃金蝦」,跟大家拜年。兩位相識逾20載的好閨密,難得首次共同下廚,即「針鋒相對」笑料百出,當中Ada更大爆Monica大派「檸檬」拒絕跟他兒子張樂兒上契。

現身煮場的Ada與Monica表現有板有眼,無論洗丶切、煎、炒皆無所不曉,絕對係「美貌與廚藝並重」,當中自誇「煮咩都OK」的Ada,透露閒時經常入廚,就連囡囡返學的飯盒、點心均由她一手準備,但自從兒子出世後,忙於照顧兒子,才疏於入廚。

其後,Ada又向Monica「笠高帽」表示:「其實我哋兩個煮嘢都叻,叻喺唔同範疇,Monica蒸嘢好叻!」Monica聞言即沾沾自喜說:「係呀,曾經喺蔡瀾節目,煮過冬菇煀雞,蔡瀾試食後話係佢食過最好食嘅冬菇煀雞。」身旁Ada即神回:「係咪蔡瀾從來未食過咋!」此話一出即全場哄笑。

Ada與Monica無所不談,提到過往張晉亦曾為Ada下廚時,Ada即問Monica:「你有冇煮過嘢食畀男朋友?」Monica亦大方表示:「一定有,而且我煮一定會好食,因為我用愛心煮,通常都係簡單菜式。」在烹調過程中,Ada竟大爆秘密:「我本身打算契個仔畀佢(即Monica),等佢有條仔,而且仲要係靚仔添,點知佢唔肯,我老公都叫我唔好迫佢。」Monica反擊表示:「點解要契呀?分身家畀你個仔呀?我有好多朋友都有小朋友,好難個個契,而且我又好鍾意你細囡,唔通囡我就唔契,仔就契咩?既然我同你關係咁好,唔使契啦。」

 

 

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0