回一回帶先，2010年，有位𡃁模叫謝芷慧(Cammi)，因為貌似Nel Nel而為人所熟識，但講到令人最印象深刻必屬當年同陳冠希行埋過一陣，啜啜相被瘋傳，巴打們均稱Son哥非常博愛，實在欽敬。
話咁快就十年，Cammi剛過25歲生日，昔日Nel Nel 2.0已蛻變為巨乳外星人，睇佢ig，全部相都係無限p圖，剩係對腳都七呎長，個胸起碼有F級，仲有個樣，P到相信伯母都唔認得，但你咪理，Cammi識親都係有錢仔，經常周遊列國，唔係坐私人飛機就係頭等，全身名牌，生日會收成50萬禮物，少奶奶咁嘅生活，唔P圖啲時間點過?
