《全民造星II》昨晚圓滿結束，論討論度當然是三甲和Hugo的《山下見》最強勁，而心水清的觀眾都會記得，昨晚的表演環節中，星級評判分數最高的是Phoebus和Justin。當中Justin在表演第一首自彈自唱時，大會竟然畀漏咪，他惟有一直彈落去的同時，再望鏡頭示意。Justin表示：「既然我當這是一個表演，就繼續彈落去，音樂表演就係咁。」他認為音樂人就應該不是為比賽，而是為表演。
除了Justin外，打頭陣兼冠軍Phoebus都因技術問題而令收唔到聲，前段表演大受影響，但評判和主持強尼都大讚他們識執生。強尼表示：「這半年的鍛鍊真心唔係流！如果係一次過上嚟，我諗好多都瓜咗老襯……這半年不停的挫敗和蝦碌，去到決賽每個人都好定。」強尼認為，很多已出道的藝人都未必有這個水平。
撰文：機
