【體路專訊】古代棍網球比賽係鍛練戰士嘅儀式，唔到比賽當日都唔知有幾多人加入「戰場」，歷史上更出現過多達1,000人嘅比賽！呢個未知數為比賽添加咗一份神秘感。
經過多年嘅改進，現代棍網球比賽一般會有10名選手參賽，分別係3個前鋒、3個中場、3個防守同1個守門員，更加講求戰術、技術、組織等要素，令比賽嘅競技味道同觀賞性大大提高。
講到現代棍網球，其實喺剛起步嘅時候佢嘅玩法、人數甚至係比賽時間都係冇規定，令人無所適從。直至1867年，加拿大牙醫William George Beers毅然對棍網球進行改革。
可能因為牙醫對「整齊」有一份執著，所以熱愛棍網球嘅佢決定修訂球例嘅漏洞，積極為比賽制訂規則，喺比賽時間及人數上作出大幅調整，奠定棍網球日後蓬勃發展嘅基石。
近年增設嘅六人賽例就再進一步簡化球例，收窄男、女子棍網球嘅分別，務求令棍網球更普及，吸引更多球員參與。
資料來源：香港棍網球總會
此篇文章由「體路 Sportsroad」最初發表於「【趣味棍網球】棍網球進化史」
《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/
