呢度講嘅「蟹寒」唔係話隻覺得寒冷或凍，而係中醫角度認為蟹屬寒濕之物，雖具清熱、散瘀作用，但性質寒濕，進食過量容易引致上吐下瀉、胃痛、精神不振、四肢困重等症狀。部分人士更會皮膚瘙癢難耐，出現丘疹或紅腫。不論蟹身或蟹膏，整隻蟹都屬寒濕，尤其要注意蟹心部分，更是寒濕之最。
部分人食蟹食極都無事，但有啲人一食即屙嘔，原來與體質有關。有中醫指出，脾胃虛寒人士對寒濕食物嘅耐受程度較低，只吃少許已不適。這些人平時手腳普通容易冰冷、易胃痛及大便稀爛，若想吃蟹，烹煮過程中最好加入紫蘇葉及生薑，有助降解寒性，吃起來較不傷脾胃。
蟹嘅種類同吃法眾多，有醉蟹、長腳蟹、大閘蟹、潮州凍蟹及韓國醬油蟹等，究竟唔同品種嘅蟹寒性係咪一樣？原來係取決於烹調方式。熱力可減低蟹嘅寒性，故經過烹調嘅蟹，一般寒性較緩和；而醉蟹及醬油蟹未經煮熟，寒性重，進食等同濕邪直接入侵身體，傷脾胃，宜盡量避免。
喺屋企煮蟹，可以用薑、葱、蒜等同炒，有驅寒之用，亦可以好似食大閘蟹咁，食完蟹後飲杯薑茶，亦能消減蟹肉嘅寒涼。薑茶的煮法十分簡單，只需用一大塊生薑，洗淨去皮後拍幾下，然後加水同煲，待薑出味後，按個人喜好加入適量片糖即可。中醫角度亦建議，寒淡食物宜配以溫熱之品，即搭配一些具祛寒、溫中、補虛作用之食物，如糯米、核桃、羊肉、蝦、紅棗、栗子、洋葱等。
此外，亦避免與柿一齊食，因為柿亦屬寒涼之物，與蟹同吃變成寒上加寒，更易引起胃痛和腹瀉，切記。另外，柿嘅成分與蟹肉嘅蛋白質混和後會出現凝固，造成中醫所講的「柿石症」，腸胃難以消化下，就可能會產生嘔吐、腹痛、腹瀉等消化不良嘅症狀。有中醫亦建議不要配搭含鞣酸嘅食物一同進食，如上文講嘅柿、葡萄、山楂、藍梅和石榴等。蟹，宜淺嘗，每個蟹季最多吃一至兩隻蟹。若感冒未清，宜忍口，否則加重感冒症狀。
