你有冇試下留意下自己手機，Whatsapp群組當中最多係乜嘢類型？ 我發現自己過百個群組當中，竟然有近三成群組都係同朋友做運動有關。得意嘅係，群組裏面嘅朋友有啲其實唔係好熟，有啲甚至係只有一面之緣；但係自從大家入咗呢啲運動群組當中，突然之間就熟咗好多， 甚至可以稱兄道弟。
近來真係發覺，身邊嘅男人friend 佢運動嘅熱誠，可能真係比上床更有衝勁； 有啲似細個讀書時候大家圍埋一齊講咸濕嘢一樣。見過身邊有朋友，三十幾歲人都唔識游水，特登走去上游泳班，再玩渡海泳。亦有渣開四個轆嘅朋友，突然買架越野單車返黎走山路。
所以家中的另一位經常問我：又唔係做運動員，洗唔洗咁勤力啊？的確，就算係自己身邊的中佬朋友，做起運動上來，也會用盡全力，而且每天都在思考如何進步，如何做得更好，也會參加不同比賽、馬拉松，去證明自己的實力。這一切都是因為一個原因：「不服輸」。
「不服輸」並非是與他人競爭，而是與自己競爭，當你步入四十歲，你的內心不想承認自己已經老了、體能也大不如前，所以才想去運動，一來是為了能夠有改善，二來就是證明自己自己還未老。我們當然也知道自己不是運動員，但起碼能夠改善自己，也拉近與其他人的差距。
諗返起其實早幾年自己也不會對健康、運動那麼著急， 就算自己睇落幾後生， 但知道總係會有歲月催人老嘅一日； 兒歌都有唱：「任你千千萬萬，任你千千萬萬，亦買不到多一秒」。所以開始買好的器材，請私人教練，是為了告訴自己，我不是在走下坡，而是還有向上發展的空間。
但當然，運動的原因也可以有好多種，「競爭」只是其中一個元素，練得如運動員般擊敗別人是一種樂趣，但不要忘記運動本身也是一種「遊戲」，是可以樂在其中的。打拳也需要學習步法、節奏、策略，與人競技的過程充滿樂趣，就算自己練習也不覺沈悶，因為發現自己有進步時，也會感到愉悅。
當你真正熱愛一項運動的時候，不只是觀看比賽，參與其中，才能體會到這項運動真正的樂趣。
**Follow us on:
- Facebook: hk.esquire
- Instagram: @esquirehk
- YouTube: hkesquire**
