【今晚直撃】劉德華跨年演唱會今晚在紅館開鑼，華仔唱完第一首歌後，全場粉絲瘋狂尖叫，他在台上亦好享受，不時做出其招牌動作，將手放在耳邊，感受粉絲的愛戴歡呼聲。之後除去外套，以背心示人，展現一對麒麟手臂，並到台中央打鼓。
華仔其後換上粉紅色中式外套，向四面台觀眾打招呼，在舞台上跑了一圈，再次感受紅館舞台，他說：「我無開演唱會8年，我要好好感受下無聽過的8年掌聲﹗」語畢坐在舞台上感受氣氛，又在地上碌自high，「呢啲感覺已經唔記得咗，你哋仲記得？我都老喇，你未老㗎﹗我要練習一下，咁多年先再開演唱會。」
華仔之後感性表示：「演唱會有錢掙，大家又哄得我開心，其實今年發生很多事，上年自己唔小心要你哋擔心，我自己都好緊張，因為未試過一次做咁多運動，現在好慎重、好嚴肅、好真誠同大家講聲多謝，過去一年間收到唔同人祝福，多謝晒﹗」
（即時娛樂）
