上星期介紹過叫我非常回味嘅羊肉同酸奶，今日就介紹一下當地嘅水果。新疆素有「瓜果之鄉」嘅美譽，除了廣闊嘅沙漠，河流經過的綠洲可都是豐饒之地，出產嘅瓜果品質優良。加上新疆地處歐亞大陸中心，係典型嘅大陸性氣候，乾燥雨水少，但有豐沛嘅高山冰川雪水得以灌溉，而夏季日照時間長，日夜溫差大，這些氣候條件有利於瓜果生長與糖分嘅積累，因此，新疆出產嘅各種瓜果含糖分都非常高，特別甜美。
首推嘅係哈蜜瓜，我當日食嘅更係糖心，肉厚汁甜，非常消暑解渴。其次係新鮮杏子，對唔少香港人嚟講應該幾陌生。杏子其實係杏仁嘅果實，一咬開就見到杏仁了，口感有點像蜜李，十分香甜多汁，非常好味，我一次過可以吃完一整碟呢！
水果以外，也可趁機試試當地嘅傳統主食──新疆手工麵包，當地人會用新疆鮮奶、新彊雞蛋和優質嘅天山高筋麵粉經天然發酵後，放到以乾柴作燃料嘅爐子饢（即烤包爐）內烘焙，烤出來帶有乾柴炭煙味，風味獨特，外層焦黃誘人，撕開入面芳香可口，吃起來令人齒頰留香。
東網網站 : https://on.cc/
東網Facebook專頁 : https://www.facebook.com/onccnews/
