請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

生活

【繽FUN劇場】舊情人難以忘記?3招幫你走出情傷

on.cc 東網

更新於 2020年06月03日06:00 • 發布於 2020年06月03日06:00 • on.cc 東網
你…還未放下前度嗎?
你…還未放下前度嗎?
始終係愛過嘅人,邊有咁易放低?
始終係愛過嘅人,邊有咁易放低?
林家謙呢首歌真係好到肉,強烈推薦畀愛過唔止一次嘅人聽!(《拼命無恙》MV截圖)
林家謙呢首歌真係好到肉,強烈推薦畀愛過唔止一次嘅人聽!(《拼命無恙》MV截圖)
人係咪都係犯賤嘅呢?就算對方傷害過你,都仲係會掛住佢…
人係咪都係犯賤嘅呢?就算對方傷害過你,都仲係會掛住佢…
就算後來者對你幾好,都始終會將佢同前人比較。
就算後來者對你幾好,都始終會將佢同前人比較。
喊啦即管喊出嚟!喊完一定會舒服啲㗎!
喊啦即管喊出嚟!喊完一定會舒服啲㗎!
歌都有得唱啦!「雖則你難忘記~這戀愛遺物終需棄置~」斷捨離對放下前度都重要㗎!
歌都有得唱啦!「雖則你難忘記~這戀愛遺物終需棄置~」斷捨離對放下前度都重要㗎!
話唔定傾傾吓,就會發現自己以前視力有問題呢!
話唔定傾傾吓,就會發現自己以前視力有問題呢!
祝大家都可以安然無恙地放下前度!
祝大家都可以安然無恙地放下前度!

一生人尋尋覓覓,好多人只係想搵到屬於自己嘅Mr./Mrs. Right,可惜唔少人總會喺愛情路上跌跌撞撞,經歷一次又一次嘅失戀。兩個人由朋友變成情侶,再由情侶變成前度,一段愛情唔可以愛花結果,當中存在千萬種原因。唯一可以肯定嘅係,兩個人喺拍拖嘅時候建立咗唔少回憶,無論最終係和平分手抑或不歡而散,要忘記一個自己愛過嘅人,並唔係一件容易嘅事。

樂壇創作新人王林家謙作曲、編曲、監製兼主唱嘅《拼命無恙》,歌中就道盡忘記前度嘅苦與痛,單係「拼命愛下個但為何傷口不退瘀」、「我要做個放下你的我」、「明明失戀仿似心臟中拳內傷」呢幾句歌詞,已經聽到人個心乸住乸住。

無可否認,失戀點都係唔開心,有人會情緒低落,有人會暴飲暴食,甚至覺得生無可戀。其實失戀唔係世界末日,要忘記前度亦有好多方法。不過今次《繽FUN劇場》嘅主角嘉琪就睇嚟未搵到方法,對前男友仲係念念不忘,快啲拉番上去睇片,睇吓你係咪同佢一樣!

睇完片就可以繼續睇文喇!撳得入嚟,你都可能係想放下某個人,以下就分別有三種「療法」,幫你盡快走出失戀嘅陰影。

療法一:「喊」

失戀嘅時候難免情緒低落,但唔想屋企人同朋友擔心,所以表面扮晒冇嘢?咁樣屈喺個心,真係會屈到病㗎。其實每個人都有喊嘅權利,唔可以喺人面前喊,都應該搵個地方自己喊,唔習慣喊嘅人亦盡量試吓喊。適當宣洩情緒,總好過畀傷痛、憤怒愈積愈多,蠶食自己身心。

療法二:「掉」

兩個人拍拖嗰陣,為咗氹吓另一半,又或者慶祝紀念日、生日之類,總會互相送禮物畀對方。但當另一半變為前度,就係時候將佢送畀你嘅嘢清除,當然實用嘅嘢可以留低,但如果會令你勾起回憶嘅嘢,唔好諗,即刻掉!同埋亦唔好去以前拍拖成日去嘅地方,避免觸景傷情。

療法三:「傾」

之前掛住拍拖「重色輕友」,連啲老友係生係死都唔知,依家回復單身,梗係趁機會同老友「自首懺悔」。其實做得你老友,自不然對你了解好深,又唔會怪你、又會包容你,同佢哋相處傾偈,唔使有任何掩飾,淨係做自己就得,完全冇失戀之後嘅自我否定,有助重新出發。

雖然話就話有方法,但大家都知說易行難,忘記唔到嘅人就好好埋藏喺心底,感謝佢曾經帶畀你嘅美好回憶,然後話畀自己聽,佢已經上咗「神枱」,下個更可愛呀!

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0