請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【盡力拯救】何韻詩心痛理大學生:點解承受咁嘅折磨

明報

更新於 2019年11月18日12:29 • 發布於 2019年11月18日10:59

理大情況仍然嚴峻,全城都關注此事件,不少圈中人都發聲「救救理大」,包括理大舊生邵仲衡﹑梁芷珊,而鄭敬基亦到理大附近協助,阮民安﹑王宗堯﹑導演張堅庭和影帝黃秋生亦在網上發聲。

何韻詩對事件十分擔心,徹夜難眠的她今日不停在facebook作出呼籲,她說:「尋(噚)晚到剛剛都唔太敢走,頭先終於被勸回家休息吓,okok,補一補給轉頭再返去。

睇住班細路咁奮力對抗、拼命想衝出圍城,結果幾次都折返,知道佢地(哋)感到灰心,並且得悉裡(裏)面傷者無數,極心痛。佢地(哋)真係細路嚟咋,點解要承受咁嘅折磨?人心肉造,見到尋(噚)晚咁嘅畫面,正常人都會擔心、震驚。

全晚周圍幾多想去幫忙、但其實唔知可以做到咩,都寧願留到最後、幫手set路障、或者坐喺架車度等通宵都唔想開走嘅香港市民。大家非親非故都咁為班學生手足著緊,呢個所謂校長,為人師表冷血至此,枉為人。

總之,班學生咁難都無放棄,我地(哋)今晚要用最大嘅人數,無論幾難幾驚都要用自己最大能力去拯救佢地(哋),做到幾多得幾多。今晚七點尖沙嘴,全人類!不能留下任何一位不顧。」

伍家謙昨晚亦曾說:「理大個校長去咗邊?學校發生咁大件事,你影都唔見?你做咩校長呀?你做咩校長呀?」

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0