請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

財經

【理財教室】本地5G服務啟動 邊間電訊商抵用?

LINE TODAY

發布於 2020年04月29日02:00

時下科技日新月異,近日潮流最興講的資訊科技topic係5G,個個都話要換返部5G手機,新聞又成日講到5G點勁、可以點樣改變世界。究竟咩係5G?5G網絡又有乜用?5G會比4G快幾多?就等本欄同大家逐一探討。

兔兔:熊大熊大,我個電話月費plan就嚟到期,我見而家間間電訊商都sell緊5G 月費計劃。究竟5G的速度會比4G快幾多?

熊大:5G的「G」是指「世代」(Generation),無線通訊技術已經發展到第5代。至於5G可以有幾快?據了解,比起4G的上網速度可以快10倍,甚至數十倍。

熊大繼續說:舉簡單例子,5G可以喺大約10秒內下載1部4K電影,但4G則需要花3至5分鐘左右,快足足30倍;4G網絡下載1套影片的時間,用5G網絡就可以下載到10至20套。可想而知,5G的出現,會令到大家日常生活出現好大的改變。

兔兔:咁5G背後係咩原理?點解個傳送速度可以快過4G咁多?

熊大:5G網絡的傳輸速度之所以咁快,背後的原理涉及到電磁波。毫米波是指波長在1至10毫米的電磁波,其頻率大約在30GHz至300GHz毫米波頻段之間。採用毫米波頻段,其頻譜可以更加豐富。5G技術使用到的頻譜可能是28GHz及60GHz,屬極高頻(EHF),比而家一般電訊業使用的頻譜高好多。5G網絡的頻譜最高可達800MHz,而4G LTE的頻譜則為20MHz,所以5G相對4G可以喺每秒鐘傳送更多數據。

兔兔:嘩,5G速度快咁多,咁我喺街煲劇同打機咪唔使再怕hang機同慢囉!

熊大:其實5G除了應用喺手機、網絡傳輸上,仲有智慧城市概念。

兔兔:智慧城市?係咩嚟㗎?

熊大:例如將5G應用喺機械人上,以機械人代替侍應送餐,或者代替保安巡邏大廈等;又或將5G技術應用喺無人車上,甚至將5G技術串聯虛擬實景(VR),令學生可以用虛擬身份返學,又或係身處不同國家的人可以透過5G同VR技術一齊互動等等。

兔兔:5G技術真係好犀利呀!睇嚟我都要upgrade個月費plan做5G先得。不過,究竟邊間本地電訊商的5G plan最抵?

熊大:睇翻本地電訊商的5G計劃(見下表),入場費最低係中移動(CMHK)同CSL,每月198元就可以分別享有30GB及8GB的5G服務。不過中移動呢個5G服務體驗計劃只限簽約24個月的客戶。

熊大繼續說:至於其他本地電訊商,收費則比較貴,但就提供一系列的5G增值服務及優惠。例如CSL的80GB、150GB和600GB的5G計劃,就額外附送Now E英超及西甲賽事通行證(價值:$1,680)、2個月MOOV 24 bit服務(價值:$176)、2個月CSL 5G VR應用程式(價值:$156)和1個月CSL 5G VR電競(價值:$38);又例如3 HK,早前推出了pre-5G早鳥限時優惠,月費538元就可以預訂指定5G手機,部分客戶更喺4月1日開始已經自動升級為5G網絡。

(註:以上資料僅供參考,相關收費計劃受條款約束,一切以相關機構最新公布作準。)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0