【專訪】林曉峰（阿Lo）與外甥女西瓜（李怡）最近為ViuTV主持節目《堅離地》，齊齊到迪拜豪玩豪食10日，一個舅父、一個外甥，鏡頭前後一樣咁合拍，在城市上空極速飛翔睇風景，又玩賽車與鯊魚漫遊體驗，真正玩盡海陸空。
阿Lo是西瓜的舅父，阿Lo的舅父就是邵氏年代的大俠狄龍，大家同樣有個明星舅父。至於與細舅父狄龍的關係是否一樣親密？阿Lo說：「小時候比較少機會見面，只是農曆年拜年時會見面。記得有次他帶我們去睇《中國超人》李修賢拍戲，我哋覺得好得意，還拿了中國超人的飛鏢去玩。長大後我跟細舅父的關係更親密，有段時間我個細仔在又一城學溜冰，細舅父這方面好叻，會到溜冰場睇我細仔溜冰。」
西瓜自細叫林曉峰做「Lo父」，今次是首次一起出外工作，記得中學時Lo父代家長到學校攞成績表，返電台工作也會帶著她，「細個好鍾意玩搶Lo父的眼鏡，跟Jan舅父（林海峰）則不同玩法，會玩鬥瞪眼，妹妹（野人）跟Jan舅父較親近。」西瓜爆料指有段時間，一家人各有各忙，家庭聚會並不多，有次婆婆發脾氣鬧他們似一盆散沙，之後大家好驚，於是定期搞聚會。
欲知專訪詳情，請留意明天（12月13日）明報娛樂版
（即時娛樂）
