如果覺得漫畫嘅色氣場面雖然養眼但唔到肉，而十八禁漫畫嘅劇情又麻麻嘅話，呢本由天原創作，Masha作畫嘅日本十八禁漫畫《異種族風俗娘評鑑指南》，相信會畀到大家新鮮感。內容包括有現實中嘅日本風俗業服務、空想超奇幻床戰、異世界種族、鹽花同搞笑場面，單係呢啲元素已經夠特別，絕非一般十八禁漫畫可比。
故事發生喺人類、妖精、獸人、惡魔等混居嘅異世界，經常去風俗店玩樂嘅人類勇者史坦克，因同損友嬌精傑爾為品評風俗孃同服務而起分歧，於是進行決鬥，方式係兩人先後同風俗孃親熱，然後將賽後報告進行分析，再將總結出嚟嘅資料提供畀其他好色之徒，等佢哋知道該位風俗孃係咪優質。本嚟諗住係單純親熱決鬥嘅佢哋，卻估唔到最後發展成涉及唔同種族嘅風俗業風暴。
東網網站 : https://on.cc/
東網Facebook專頁 : https://www.facebook.com/onccnews/
