世界地圖梗係世界性啦！嗱，大家唔好以為起錯題，皆因呢本名為《性的世界地圖：自由、歡愉與禁制》嘅書所講嘅係，全球唔同地方同性有關嘅話題。雖然話係性，但大家唔好以為係風俗指南嚟，反而係用學術同數據嘅角度出發，從社會、政治、歷史、經濟等方面，剖析全球各地對性嘅睇法同文化。當中嘅主題包括性交易係咪合法，而理據又係乜？唔同國家點樣管理公民嘅情感生活，例如點樣規範婚姻制度，唔同地方點睇不婚族、性教育等。為咗能夠更形象化呈現出唔同國家及地方點看待同性相關嘅議題，書中用咗超過120張圖表及地圖，等大家能夠更立體地明白唔同地方嘅差異。
東網網站 : https://on.cc/
東網Facebook專頁 : https://www.facebook.com/onccnews/
