請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【派糖一萬蚊】鄧佩儀買機票走佬?

on.cc 東網

更新於 2020年02月26日09:45 • 發布於 2020年02月26日07:19 • on.cc 東網
大家點使呢?
大家點使呢?
鄺潔楹話要儲起佢!
鄺潔楹話要儲起佢!
鄧佩儀買機票返加拿大。
鄧佩儀買機票返加拿大。
林泳淘希望政府繼續做啱事。
林泳淘希望政府繼續做啱事。
劉佩玥畀晒屋企人!
劉佩玥畀晒屋企人!
邱晴就想幫助多啲有需要嘅人!
邱晴就想幫助多啲有需要嘅人!
馮盈盈報演藝課程增值自己。
馮盈盈報演藝課程增值自己。

財政司司長陳茂波今發表新一份財政預算案,當中包括向18歲或以上的香港永久性居民發放一萬元,有錢派當然開心,一班藝人都諗緊點用呢筆錢!

鄧佩儀買機票探親

鄧佩儀竟然話要買機票,唔係走佬呀嘛?梗係唔係啦!佢係買機票探親:「有一萬蚊梗係好開心,我一定會儲起佢,或者買機票探加拿大嘅媽咪,基本上我平時有多餘嘅錢都係用晒喺機票上,因為媽咪同哥哥都喺加拿大。」

鄺潔楹補「稅」

鄺潔楹則自爆之前交「重稅」,加上經濟麻麻,一萬蚊用來傍身:「我唔會用,我會儲起佢。因為啱啱交稅都用咗唔少錢,同埋預計呢一年嘅收入應該都會相對減少。難得有一萬蚊入番戶口,我唔會亂咁使啦。(咁肉赤,交稅有五位數字?)有呀,因為上年好好彩有接到啲廣告同商演,今年情況唔同,所以都肉赤。」

林泳淘希望政府繼續做啱事

林泳淘就未諗點用呢一萬蚊,不過就希望政府可以繼續有好嘅政策出現:「我覺得政府好好啊,雖然佢由始至終都冇聽市民嘅意見,唔封關,唔幫醫護,撲唔到口罩,但佢派呢一萬蚊真係解市民之急,相信市民唔知幾耐之後收到呢一萬蚊,一定可以成功買到口罩㗎!但認真對有需要嘅低收入人士來講係好事,只係大家可能會更希望政府能夠用心將正確嘅事正確地做,因為市民嘅心不能單靠錢維繫的。」

馮盈盈增值自己

馮盈盈話要增值自己:「報讀咗演藝課程,如果有呢一萬蚊,會用嚟幫補番啲學費,上一個演藝課程都要幾千蚊,有呢一萬蚊幫補可以上多幾個課程,由初級上班上到去大師班都得喇,哈哈。」

劉佩玥上繳中央

劉佩玥就上繳中央:「呢一萬蚊都會畀阿娘,呢排佢都真係好忙,買日用品又貴咗,咁變相佢都大壓力咗、辛苦咗,獎佢買吓自己嘢或者遲啲用嚟一家人去旅行啦。」

邱晴幫助弱勢社群

邱晴就話:「我本身都想幫弱勢社群,咁啱政府有一萬蚊,可以幫多啲人,見市面嘅細支裝消毒洗手液都賣得偏貴,前排搵到朋友幫我訂咗好多大支裝洗手液同漂白水,再入落啲樽仔送畀弱勢社群,政府派呢一萬蚊就可以增加我嘅預算,再買多啲幫多啲人,其實我都想買埋口罩,但冇乜渠道,睇吓有冇人可以讚助到我,幫到更多弱勢社群!」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0