李施嬅及海俊傑日前接受TVB娛樂新聞台主播許文軒訪問，大談二人合作拍攝《法證先鋒IV》及推出合唱歌《二次緣》的感受。
海俊傑大讚施嬅唱歌好聽，「佢對今次錄音好著緊，一早約了上我屋企練歌，將成份歌詞好似劇本咁做晒功課，寫到花晒」。施嬅坦言錄音好緊張，事前去搵幾個老師學唱歌，又叫歌手給她意見，自己亦設計輕重位，可是監製伍樂城卻叫她全部掉走，並幫她搵到另外一把聲音出來唱。
海俊傑表示近20年未曾於TVB拍劇，唱歌會叫施嬅不要太緊張，但拍《法證IV》時換轉對方叫他不用太緊張，可能在內地拍劇多，有時講對白會用了普通話。施嬅笑說：「可能他少拍談情戲，我叫他放鬆些，不要咁緊張，導演都叫他愛我多啲，連他老婆都叫他愛我多些，去年情人節仲叫我哋出去拍拖，之後愈拍愈有默契，最後那場咀嘴戲大家都有感覺。」
（即時娛樂）
