梁漢文和董敏莉在ViuTV劇集《假設性無罪》飾演夫妻，表面上是模範夫婦，實際關係已淡如水，各自發展婚外情；梁漢文與太太好友（羅沛琪飾）偷情，其後董敏莉發現丈夫的外遇，正是自己好友，夫妻關係正式破裂。日前，二人為劇集拍攝兩場重要戲分，先拍攝吵架戲分，隨後緊接拍攝熱吻戲分。
久未拍劇的董敏莉大讚梁漢文專業，與她分享口腔清潔用具，為接吻戲做足準備：「佢臨埋位前畀咗粒丸我，原來沖水會變做漱口水，大家都好fresh！我比較少拍呢類親熱場面，所以今日都係極限喇！事前都有同老公講，佢反問我有幾激，之後笑笑口行咗去！」
對於董敏莉大讚自己拍攝接吻戲專業，梁漢文謙稱自己不是專家：「我經驗都唔係豐富，做好準備係尊重對手，好在平時去外地做騷要坐長途車，有呢類清潔用品，終於大派用場。」
（即時娛樂）
