DJ蘇耀宗（細So）效力商台20年，前日被電台以「因應現時經濟環境狀況及前景預測而作出資源重組」為由終止合約，即日生效，令不少人大為愕然。細So未有機會在節目中跟聽眾告別，惟有在網上做直播，跟大家分享現時心情。
細So昨晚表示：「歡迎來到我的《日常生活》，好多謝這兩日好多朋友在此慰問，好擔心我有冇經濟壓力，但又冇想過幫我，純粹只是問吓，我話有、有、有，就答辛苦你，咁就捱吓，咁就算數……有少少想分享，我有舊同學的Group，我好少傾偈，好多人同我講加油、畀心機，唯獨是有個留了句『點解你咁㗎，咁大個人都唔改吓㗎，成世人都係咁』，反而是這句是覺得幾開心，笑得最開心，這是因為以前我曾在運動會上跟阿Sir據理力爭過……好慶幸我睇番過去咁多年，我個人係冇變過，這個是這2年的少少分享。」
細So多年同事兼好友森美，昨晚亦上載他們昔日工作時的照片來撐細So，並留言：「過去流走，嚇怕了你？Dont be 蛇"乖"，明天只有更好！」
（即時娛樂）
