【有片】海關突擊巡查 藥房惡漢:海關大晒呀？你同我出去！

近日網上流傳影片，海關突擊查藥房，竟被藥房惡漢推出店外，店員疑不滿海關「趕客」，呵斥：「海關又點呀？海關大晒呀？你同我出去！」。
Facebook群組「巴打絲打 Facebook Club」影片顯示，一名海關人員於藥房門口驅趕客人稱：「走啦走啦走啦，冇生意呀。」，然後一名黑衫職員用身體將關員撞出店外，並以普通話召顧客「你過來，你要什麼？」，然而轉頭怒斥關員：「咩冇生意呀？你同我行出去呀！」、「海關又點呀？大晒呀？你唔好喺度阿趦阿趄！」。及後，有警員及其他關員在場交涉，並在場圍起封鎖線。
不少網民都支持海關執法「揸正嚟做！日日掃佢場」；不過亦有網民批評海關的執法方式不對，認為不能隨便叫店鋪的客人走。
根據條例，任何人如對為執行職責而行事的海關人員，故意予以襲擊、抗拒或阻撓，即屬違法。一經定罪，最高可被判罰款5000港元及監禁6個月。