內地藝人張丹峰早前捲入偷食風波，喺佢發長文宣布經理人畢瀅引咎辭職後，有指佢同太太洪欣已經和好如初，仲被影到開開心心搭住膊頭出席婚宴，但轉個頭又有網友喺機場撞到佢哋，大爆佢哋全程零交流。
今日有網友又喺微博分享偶遇洪欣同張丹峰行街嘅片，片入面兩公婆一人一邊拖住阿女張晞彤搭扶手電梯，洪欣仲擰轉頭望住張丹峰傾偈，三人望落相當溫馨，網友表示：「洪欣張丹峰帶着女兒彤彤一起出門逛街了，洪欣還主動扭過頭和張丹峰說話，感情還是很好啊，哪有不和。」
但因為呢條片嘅背景睇落似香港商場，有網友就留言指洪欣今日會喺重慶出席品牌活動，質疑有人分享舊片炒作。
東網網站 : https://on.cc/
東網Facebook專頁 : https://www.facebook.com/onccnews/
