關智斌（Kenny）完成首個紅館演唱會後，昨推出全新個人廣東單曲〈頭頂有角〉。今次歌曲有別於Kenny以往拿手的抒情慢歌，而是節奏強勁、加入了電子元素的Party Music。歌曲由韓國作曲人BOYTOY及J.PRAIZE作曲、李峻一填詞，feat. SHIMICA。
這次〈頭頂有角〉MV中，Kenny加入了很多自己的想法，「歌詞講無論你幾咁古怪、點同人哋唔同都好，都要be yourself，勇敢去做好自己，可能你最古怪嘅就係你最可貴嘅嘢。MV入面的肢體動作、animation、graphic都落足心思，沒有預先排好的舞蹈，完全係即興。」Kenny接着說：「首歌係講蛻變，要有自己諗法，所以MV入面跳嘅舞全部隨心即興，就算同rapper SHIMICA的舞蹈也不例外，完全free style 。」
說到蛻變，由BOYZ to MAN，Kenny自言幸運，在成長過程中，得到很多人提攜、照顧，「『BOYZ』的時期最無憂無慮；而家做『MAN』必須要獨立，自主，要肩負更多責任，雖然負嘅責任多咗，但完全不覺得這是負累，反而從這成長過程中的經驗累積令我更快樂。」
BOYZ to MAN，當然亦包括由纖瘦美少男變成爆肌型男，「其實一個瘦底嘅人要增肌，係比一個要減肥嘅人更難。減肥只需減食同做運動就可輕易達標，但瘦底嘅人係要食好多不同而唔係太好食嘅食物加上大量運動及操練先可以增肌肉，所以話『瘦底要爆肌係好難㗎』，不過都係嗰句，要達到目標就就要付出100%的努力啦，唔懶得㗎。」
撰文：二弟
