本小姐最愛襯衫扮靚，就連身邊的東西都唔會放過，所以平時都會留意下寵物打扮資訊。A Bathing Ape的Baby Milo最近就首次推出了一系列寵物用品，更隆重其事於中環開設了期間限定店，讓大家購物之餘亦有得食有得玩，CHOCO即刻去探個究竟先！
今次的寵物用品系列推出了服裝及配件單品，包括衫仔、圍巾、頸圈、床、玩具等，全部採用了品牌經典的迷彩圖案或Baby Milo嘜頭，辨識度相當高，讓人一眼就知道大家的愛犬、愛貓走在潮流的尖端。本小姐尤其欣賞品牌的心思，以迷彩綠色的衛衣仔為例，配上黑色小帽及袖位增添型格感覺的同時，亦有常見的袋鼠兜形大袋，同人著的衫無異，𣊬間令主子帥氣不少。
產品明天（11月10日）率先於期間限定店發售，之後於11月24日陸續在分店上架。寵物衛衣 HK$299（左）、寵物T-shirt HK$299（右）好型仔呀！設計了衛衣常見的袋鼠兜形大袋。袖邊亦有Baby Milo招牌，同真衫無異。不過size就唔多，衫仔未必適合大狗。狗仔專用圍巾 HK$159貓仔專用圍巾 HK$159狗仔專用頸圈 HK$159貓仔專用頸圈 HK$159貓仔專用產品除了有可愛噹噹外，亦換上牠們更合用的易甩扣。寵物玩具：Baby Milo造型 HK$259（左）、香蕉造型 HK$159（右）呢個設計真係好實用又靚。寵物床：迷彩綠款式 HK$599（左）、Baby Milo造型款式 HK$599（中）、立體Baby Milo造型款式 HK$599（右）立體Baby Milo造型寵物床的正面。寵物背包 HK$359容量以寵物背包來說不算小。寵物浴巾 HK$299，方便大家為寶貝抹身。當然亦有為各位奴才設計的產品，攜帶寵物袋 HK$599。散步用小袋（可斜揹）HK$359暗格加小孔位置方便主人拉出膠袋清理便便。期間限定店服務方面，除了會率先發售新系列，入面亦有專為寵物而設的波波池及小花園，好歡迎奴才帶埋家中主子去玩。另外又設影相區，平日可拍攝紀念照，至於周末則可以製作相片flipbook，實試完都覺得幾逗趣。而凡於現場購買任何產品，品牌就會送出精美小食一份（人同動物都有食得）及扭蛋機代幣一個，亦可選擇寵物名牌刻名服務一次，想入手產品的朋友記得不要錯過。
寵物可以大玩波波池。亦有小花園。購物會送漢堡包（人類食用，可選牛肉或素）、飲品、寵物餅乾一塊及扭蛋機代幣一個。寵物餅乾是Baby Milo造型。用代幣玩扭蛋機。扭蛋會隨機送出三款產品的其中一樣，有頭套及垃圾收納袋。大家亦可選擇名牌刻名服務。同時打印電話號碼就唔怕寵物走失。BABY MILO Store by A BATHING APE寵物系列概念館
日期：11月10日至18日
地點：香港中環奧卑利街19號
時間：中午12時至晚上7時
