大陸女星范冰冰今日38歲生日，過去一年先後經歷逃稅風波及與李晨分手，事業及愛情都受盡打擊！生日嘅今天，佢選擇「改頭換面」，將微博頭像換成卡通畫像，不過另一重點係竟然圈中冇咩人向佢送上生日祝福！
以往一踏入凌晨12點，就有唔少圈中好友排隊留言畀佢，好似Angelababy、陳學冬、小沈陽咁，但今年較為出名嘅竟然得張鈞甯留言：「生日大快樂！🎁🎈🎉🎂🎉祝福你永遠平安、健康，開開心心！[心]」而以往「范冰冰生日」必上熱搜嘅情況已不復見，不過仲有一啲忠心耿耿嘅粉絲團依然祝福偶像生日快樂！
此外，雖然冰冰工作受影響，但其「復出作」荷里活電影《355》未被易角，7月時官方更發放幕後花絮，冰冰積極操拳備戰，但有傳因為被限制出境而遲遲未入劇組拍攝！最近，網上就流傳國外拍攝現場嘅最新照片，出現咗有疑似范冰冰嘅替身，進行「AI換臉」嘅鏡頭。
呢名替身名叫鹿寧，來自大陸，身兼演員、舞蹈員及模特兒，從2018年起已參與十幾部影視作品及廣告拍攝，身形同冰冰甚為相似！而喺7月時，佢就曾喺社交網分享喺法國影嘅相，相信當時正在當地拍攝《355》。
至於同家姐感情要好嘅范丞丞即使忙於工作，不過都唔記得佢生日，並喺網上晒自拍照，話要趕回家同家姐慶生：「默默錄完了兩首歌！回家給我妹過生日去啦！」
---------------
立即參加「賞您睇」： https://tinyurl.com/y2e6pmwk
Click下面粒掣，儲on.cc coins！機票、家電、超市禮券、過萬份獎品等緊你。
東網網站 : https://on.cc/
東網Facebook專頁 : https://www.facebook.com/onccnews/
