雖然四季都有蟹食，但一到秋天就係蟹橫行霸道嘅時節，皆因唔止大閘蟹當造，連其他蟹類都特別肥美厚肉，黃多油滿，所以話，識食一定喺秋天食蟹。有些人覺得食蟹好麻煩，成日都「付出同收穫唔成正比」！但如果食超厚肉嘅皇帝蟹同長腳蟹就唔係咁講啦，馬哥孛羅咖啡廳近日新推的自助晚餐，就有無限量供應嘅阿拉斯加帝皇蟹同松葉蟹，啱晒鍾意食蟹嘅大懶人。
今次酒店推出以蟹和鴨肝為主題的自助晚餐，除了有冰鎮阿拉斯加帝皇蟹腳及松葉蟹腳，仲有一系列以帝皇蟹和香煎鴨肝入饌的菜式。CONY試過覺得兩款冰鎮蟹腳都好新鮮，有淡淡海水味又不會過鹹。阿拉斯加帝皇蟹比較厚肉，口感實在，松葉蟹腳肉質則更細嫩鮮甜，各有千秋，都被CONY瘋狂吸入！
其他以蟹製作的菜式都值得一試，如果喜歡惹味的必試咖哩蟹和香辣蟹，鍾情西餐的則要試蟹湯和蟹肉龍蝦批，仲有蟹柳配燒南瓜沙律、蟹子三文魚薯仔沙律及蟹肉芒果木瓜沙律等開胃前菜。
大家千其唔好忘記仲要品嚐鴨肝菜式，最經典嘅香煎鴨肝伴多士當然係必食，澆上梅醬一齊食，能減低膩感，可以食多幾件。鴨肝鬆餅亦有驚喜，鬆餅蛋香十足，同鴨肝味道意想不到地夾！
其他不可錯過的美食：
至於甜品方面選擇亦多，有齊西式蛋糕、中式糖餅、雪糕，甚至是豆腐花。當中又有以新興「超級食物」巴西莓製成的芝士蛋糕為新款甜品，完美咁總結呢頓大餐。自助餐仲包括任飲指定汽水、啤酒同檸茶檸水，又可以喺3個半鐘內慢慢食，指定網站更提供75折優惠券，折實最平$426（星期一至五），性價比不俗，約埋朋友一齊食自助餐慶祝秋天嘅來臨啦（誤）。
阿拉斯加皇帝蟹及鴨肝自助晚餐
供應日期：即日至11月30日
供應時間：晚上6時半至10時
價錢：
馬哥孛羅咖啡廳
地址：尖沙咀海港城馬哥孛羅香港酒店 1 樓
電話：2113 3912