【慘豬Lucy】囡囡玩機動遊戲玩到喊 李璨琛老婆仲掛住影相

李璨琛家有一個一歲零8個月嘅網紅B女李元元(Lucy)，多得李太，元元Fans愈嚟愈多，ig Follower去到10.2萬，較Coffee囝囝少啲啲。今日難得一家之主唔使開工，一家三口去咗遊樂場玩，佢哋有玩兒童機動遊戲，即坐上去會高飛低飛又會轉嗰種，兩個大人玩得好開心，被老竇抱住嘅元元就好陰功，係咁喊，但阿媽無理，仲笑晒口自拍，李太貼文嘅Caption係老竇老母冇人性，Lucy好慘豬。
其實Lucy阿媽無人性唔係第一日嘅事，佢好勤力，日日Update元元個ig，一撳入去會發現好多元元嘅可愛fashion相，但有六成係完全破壞元元偶像包袱嘅相，佢大個睇返必定會好嬲阿媽。