【安心出軌】爆粗鬧網民 梁裕恆繼續發酵：點解仲未拉人

落選港男梁裕恆（Flow）繼昨日在社交平台力撐偷食人夫許志安的黃心穎，遭網民圍攻，鬧爆他借事件上位，不過Flow沒就此畏縮，更在ig story發文爆粗「個個道德X」，不過好快他又刪掉這文，並疑轉移視線，改發留言：「點解仲未拉人？個司機一定係犯了私隐條例，政府不需要等有人報案才執法。大家點解冇去關心？私人空間，的士司機肯定犯了私隠條例，為什（甚）麼還未去捉個的士司機？8000部的士已經裝有車cam，事實需要立法和執法！乘客為什（甚）麼要坐的士，其實對私隱的期望佔有一定比例。」
就算轉移視線，都跟事件有關，故有網民不值謂：「人哋當事人都想淡化件事，你仲每日不斷出po重提 博咩！」、「好嘢，不斷刷存在感，又挑戰大家忍耐力底」、「你都係爆緊人大鑊㗎咋，你同個司機有乜分別呀，你係咪收咗錢㗎，人哋秘密話畀你聽，你又爆畀傳媒聽話畀全世界聽，你同佢司機有咩分別呀你唔叫阿sir嚟拉你」。