許志安與黃心穎被爆出「安心偷食」事件，轟動全城，兩人遭全港網民鬧爆。不過2016年落選港男梁裕恆（Flow），昨日突然在社交網站Facebook發文力挺黃心穎，聲稱有人曾承諾會離婚，更形容女方是「受害者」，帖文一出隨即引起網民熱論，不少人留言直斥梁裕恆搏上位。亦有人質疑，此說法變相反駁許志安一時「起咗色心」的講法。
繼網民發現黃心穎早於2017年已成功埋安仔堆、上月亦曾約會到九龍城的菜館晚膳，兩人似暗交多時。「港男」梁裕恆凌晨在Facebook上傳與黃心穎的合照並透露「內情」，聲稱黃心穎曾向自己坦承與男朋友很少機會見面，兩人之間出現感情問題，更愛上另一位有婦之夫，對此感到內疚。「那個是天后的老公，但那個男人說佢哋嘅婚姻一早出咗問題，個男人同佢講會離婚，她才願意跟他一起。」
他在文中又稱，「如果係咁，她只是一個受害者。事件報道後，無人同佢講過一句公道說話。我亦唔明點解她一句都唔回應，一個人攬晒上身。個男人唔係有錢？又唔係好樣？佢又唔係賣身，只是一個追求愛情嘅女仔。個男人無野畀到佢，就只是愛錯一個人，係有錯，但罪不至死！」
不過言論未有引起網民同情，更直斥梁裕恆混淆視聽以及抽水搏出位，有人留言指「第時你女朋友比綠帽你戴，你記得原諒佢」、「一面倒的負評」、「成功搏出位」、「豬隊友」。亦有人質疑，此說法變相反駁許志安一時「起咗色心」的講法。
