請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

生活

【婚姻合伙人】黃德斌曾患抑鬱症 感激太太一起共患難

Sundaykiss

更新於 2019年05月23日16:11 • 發布於 2019年05月23日13:30

現正播映的《婚姻合伙人》廣受好評,不少觀眾都讚賞其貼地題材,而此劇亦是黃德斌離開無綫前的最後作品。黃德斌在劇中飾演地產發展公司的大老闆邢呇,貴為鑽石王老五的他,不少女士都對他虎視眈眈,更會主動向他投懷送抱,不乏女色。不過,戲外黃德斌卻是個感情專一的人,他更感激太太在他患抑鬱症跌落情緒谷底時,扶持他去捱過難關。

撰文:Kammy|圖片來源:新傳媒資料室,黃德斌微博Facebook

黃德斌與妻相愛14年

現年56歲的黃德斌,入行至今已有32年,拍攝過不少的電視劇,而《婚姻合伙人》則是他離開無綫前的最後作品。劇中黃德斌十分多情,為了不得失好友,甘願被對方「抽水」摸大脾,其後對方更要求他塗太陽油,幸得高海寧及時阻止,繼而發展感情關係!不過,戲外黃德斌卻是個感情專一的人。

黃德斌
黃德斌
黃德斌
黃德斌

遇到有情人,應該是人生最大福氣。現實中,黃德斌同年輕16年的黃太Joyce Wong (黃美恩) 患難見真情,二人相愛至今已14年。兩人05年相識,當時黃德斌拍完電視劇《金枝慾孽》,事業剛開始有起色,之後連拍多部劇集《火舞黃沙》、《珠光寶氣》等都擔演重要角色,受觀眾關注,不過,11年他就因連拍兩部角色沉重的電視劇《天與地》及《心戰》,長期要徘徊情緒低位,令他一度抑鬱不能自拔,幸當時得Joyce陪伴支持才得以振作。

黃德斌有份參演深度劇集《天與地》,劇中人物一生坎坷,為演出令他長期處於情緒低位。
黃德斌有份參演深度劇集《天與地》,劇中人物一生坎坷,為演出令他長期處於情緒低位。

太太陪伴走過抑鬱症陰霾

據知情者透露:「嗰時佢啱啱拍完《天與地》,無耐又接到《心戰》嘅角色,為咗演陳豪嘅心魔『邪惡』,Kenny因為太過投入,搞到跌落情緒谷底,當時佢都唔知自己有病,只係突然之間心情好低落,完全唔想見人,將自己收埋喺間屋度,冇晒鬥志,不過Joyce都對佢不離不棄,一路喺佢身邊鼓勵同支持佢,幫佢走出困局!所以Kenny成日都話,Joyce係最了解佢嘅人,如果冇咗佢,自己都未必可以捱到今時今日。」

拍《心戰》演劇中人格分裂的陳豪內心的邪惡心魔,更因太投入而引發抑鬱。
拍《心戰》演劇中人格分裂的陳豪內心的邪惡心魔,更因太投入而引發抑鬱。

受太太影響 接受自己的缺陷

自細家境清貧的他,早年更試過耳朵入水發炎,因延誤求醫而導致右耳失聰。據知情者透露:「中學畢業之後,佢做過一排跟車工人,嗰時每朝返工前,佢都會去游水,一次唔小心入咗水落耳仔度,就算唔舒服都冇錢睇私家醫生,去政府醫院排期要等一年半,點知有朝早佢瞓醒發現枕頭都係血,原來耳仔發炎流膿,佢阿媽嚇到即刻同佢去睇急症,醫生要佢即時入院開刀,不過最後都因為醫得太遲,依家佢右耳只剩番三成嘅聽力!」

黃德斌
黃德斌

雖然人生多災多難,但黃德斌學會提醒自己要保持正能量,除了遺傳自母親的堅毅精神,亦多得女友的樂天性格影響。據知情者透露:「入行以嚟,佢遇過好多波折,捱咗咁多年,但佢從來冇諗過放棄,佢好有毅力,但豁達性格可以話係畀Joyce感染,Joyce份人好樂天,就連岳父岳母都好玩得,呢幾年Kenny都開咗竅,好多嘢都唔再執著!」

黃德斌
黃德斌

黃德斌愛的宣言冧老婆

2018年,黃德斌與Joyce感情開花結果,在金鐘一間酒店舉行Cocktail Party註冊拉埋天窗。展開人生新一頁,黃德斌冇選擇大排筵席,只在酒店舉行簡單而隆重的婚宴,與一班至親好友慶祝人生大事,黃德斌愛的宣言亦簡單直接:「佢好了解我!婚前婚後大家都係互相欣賞、遷就、信任和尊重。」

即使未有大排筵席,亦冇傳統接新娘儀式,但婚宴簡單得來卻好有愛,同至親好友慶祝的黃生黃太,全日表現興奮,切結婚蛋糕 一刻,平日內斂的黃德斌,亦開心到擘大個口笑,升呢做人夫的他幸福滿瀉!
即使未有大排筵席,亦冇傳統接新娘儀式,但婚宴簡單得來卻好有愛,同至親好友慶祝的黃生黃太,全日表現興奮,切結婚蛋糕 一刻,平日內斂的黃德斌,亦開心到擘大個口笑,升呢做人夫的他幸福滿瀉!
黃德斌夫婦未有著傳統禮服及婚紗行禮,不過在婚宴上兩公婆打扮卻襯到絕,以紅白藍情侶便服出席婚宴,兩人讀完誓詞簽完婚書,互為對方戴上結婚戒指一刻,表現感動。
黃德斌夫婦未有著傳統禮服及婚紗行禮,不過在婚宴上兩公婆打扮卻襯到絕,以紅白藍情侶便服出席婚宴,兩人讀完誓詞簽完婚書,互為對方戴上結婚戒指一刻,表現感動。
結婚戒指是卡地亞簡約款式。
結婚戒指是卡地亞簡約款式。
雙方父母見證婚禮,黃德斌正式升呢成人夫。
雙方父母見證婚禮,黃德斌正式升呢成人夫。
跟女友同樣性格低調,黃德斌婚禮只以Cocktail Party形式招呼至親好友一齊慶祝,圈中好友戚其義、簡慕華、何啟南、徐榮及趙希洛等都有到場祝賀好友。
跟女友同樣性格低調,黃德斌婚禮只以Cocktail Party形式招呼至親好友一齊慶祝,圈中好友戚其義、簡慕華、何啟南、徐榮及趙希洛等都有到場祝賀好友。
一直被指是監製戚其義愛將的黃德斌,在TVB時期拍過唔少對方大熱作品,大婚好日梗唔少得這位伯樂一齊慶祝。
一直被指是監製戚其義愛將的黃德斌,在TVB時期拍過唔少對方大熱作品,大婚好日梗唔少得這位伯樂一齊慶祝。
婚宴現場放有多張黃德斌同老婆早前拍的婚紗照,證明低調的黃德斌對一生人一次的人生大事其實相當細心,精心安排給太太留個最美回憶。
婚宴現場放有多張黃德斌同老婆早前拍的婚紗照,證明低調的黃德斌對一生人一次的人生大事其實相當細心,精心安排給太太留個最美回憶。
黃德斌
黃德斌
黃德斌
黃德斌

一切從簡 連求婚都省略

德斌同阿Joyce 一齊14年,已經猶如老夫老妻,所以當德斌被問及求婚情況時,亦笑說:「冇呀~結婚咯!咁咪結婚囉!」就連跪地,戒指仔都冇,但係女友一樣肯嫁畀佢。

黃德斌
黃德斌

申請結婚被發現!

黃德斌
黃德斌

黃德斌對Joyce錫到燶,幾年前就打本畀女友在尖沙咀開時裝店,不用開工二人亦秤不離砣。二人在假日不用工作的時間,經常拍拖踩單車,非常恩愛!

黃德斌
黃德斌
黃德斌
黃德斌
黃德斌
黃德斌

 

湊B出巡

婚後黃德斌已火速復工,為《逆流大叔》謝票,新婚的他被問到可有努力造人,型佬黃德斌幽默表示:「唔話你知,呢啲咁私人嘅問題,得喇!總之我會保重身體!」不過,早於三年前,黃德斌同女友的身邊就經常出現一個神秘B仔,兩人一得閒就孖住湊B,雖然黃德斌已經否認是B仔老竇,表示是幫朋友湊B,但湊住人哋個B都如同己出一樣細心,可見黃氏夫婦相當鍾意小朋友。日前,黃德斌又揸車「一家三口」去奧海城買玩具,只見黃德斌同老婆帶B仔去揀玩具車,更慈父上身陪B仔慢慢揀,揀完禮物,他又急不及待抱起B仔,邊行邊逗佢玩,父愛氾濫的黃德斌,生仔有心有力,相信好快會有好消息公布!

未有自己小朋友的黃德斌,日前兩公婆又湊住他口中的契仔「一家三口」出動,只見黃德斌細心抱住B仔,哎吔父子還襯到絕齊齊帶超,好有父子相。
未有自己小朋友的黃德斌,日前兩公婆又湊住他口中的契仔「一家三口」出動,只見黃德斌細心抱住B仔,哎吔父子還襯到絕齊齊帶超,好有父子相。
帶住B仔去買玩具,兩公婆有商有量,不過都係任由B仔自己揀心頭愛,老婆Joyce仲踎低陪B仔一齊揀,細心同B仔逐樣講解。
帶住B仔去買玩具,兩公婆有商有量,不過都係任由B仔自己揀心頭愛,老婆Joyce仲踎低陪B仔一齊揀,細心同B仔逐樣講解。
黃德斌
黃德斌
黃德斌揸車載老婆同契仔去飲茶,只見他先緊張抱B仔上車安頓好,由老婆抱住B仔,自己才上司機位開車。
黃德斌揸車載老婆同契仔去飲茶,只見他先緊張抱B仔上車安頓好,由老婆抱住B仔,自己才上司機位開車。
黃德斌
黃德斌
黃德斌揸車先去接岳母,再一行四人去酒店飲茶。
黃德斌揸車先去接岳母,再一行四人去酒店飲茶。
黃德斌
黃德斌

稱幫朋友湊

15年初,黃德斌被發現與女友之間多咗個「神秘B」,經常孖住湊仔。據知德斌話BB係佢朋友個仔,叫做稀稀,佢同女友都好錫個BB,女友仲成日湊埋個B返時裝店開工㖭!不用工作的日子,黃德斌將全副心機時間去湊仔,本月中,二人湊住B仔到尖沙咀一間平民餐廳開餐,入到去黃德斌先揀個隱蔽位置抱住B仔坐好,B仔忽然扭計扁晒嘴,德斌就緊張到即刻哄埋去狂啜B仔,氹到BB即時笑番。

15年底,黃德斌不時同女友湊住「神秘B 」去公園玩,當時B仔未夠1歲。
15年底,黃德斌不時同女友湊住「神秘B 」去公園玩,當時B仔未夠1歲。
雖然多次否認係B仔老竇,但黃德斌湊B手法純熟,同女友似足緊張父母,呢個畫面完全係一家三口幸福家庭樂!
雖然多次否認係B仔老竇,但黃德斌湊B手法純熟,同女友似足緊張父母,呢個畫面完全係一家三口幸福家庭樂!
黃德斌見B仔扭計,即刻哄頭埋去錫錫,完全一副慈父相!
黃德斌見B仔扭計,即刻哄頭埋去錫錫,完全一副慈父相!

女友錫手仔

吃了大約一小時埋單走人,黃德斌抱住B仔同女友行去附近攞車,路過報紙檔見到有玩具車賣,佢又即刻買畀B仔玩,期間黃德斌女友不時用手摸B仔面珠及撥他頭髮,更忽然冧爆捉住B仔手仔錫,雖然多次否認係BB老竇,更曾揚言同BB毫無關係,但當日所見,卻似足一家三口幸福家庭樂!

黃德斌對B仔溺愛有加,路過報紙檔又買了一架玩具車給他玩!
黃德斌對B仔溺愛有加,路過報紙檔又買了一架玩具車給他玩!
黃德斌
黃德斌
黃德斌
黃德斌

B仔不離手

雖自稱幫朋友湊B,但黃德斌就算同圈中好友戚其義、郭少芸的飯局,例牌一家三口列席,而女友為父母慶生都抱埋B仔,關係非常親密!

黃德斌
黃德斌
黃德斌
黃德斌
0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0