喺無綫劇《婚姻合伙人》除了主角楊明及高海寧，劇中飾演楊明舅姨Cat姐的前港姐張嘉兒同樣搶鏡，唔少網友都話佢比以前靚咗好多！睇番張嘉兒雖貴為07年港姐冠軍，但甫當選已被嘲為「豬扒港姐」，跟現在的眼大大、面尖尖截然不同，最離奇仲係成功由Pizza臉變法包，依家就一齊睇嘉兒嘅變靚進化史啦！
撰文：東方新地 │圖片：新傳媒圖片、張嘉兒Instagram、張嘉兒Facebook
張嘉兒 愈變愈靚
張嘉兒在無綫劇《婚姻合伙人》有份演出，今年5月7日佢就生咗細女Hannah，雖然張嘉兒坐月及照顧BB，但佢都不忘喺IG宣傳套劇，不過好多觀眾望住張嘉兒都一頭問號，就係「點解佢靚咗咁多嘅？」
拍呢套劇係佢生第一胎後復出作，佢大讚同劇演員相處融洽，而且Gigi姐仲不時煲湯、煲糖水畀佢哋食，好貼心！
07年當選港姐 慘被封為「最醜港姐」
張嘉兒9歲移居加拿大溫哥華，曾參選當地的華裔小姐競選，未得任何獎項，於2007年參選香港小姐，擊敗同屆熱門王君馨、何傲兒等，爆冷奪得冠軍。當年嘉兒有對細眼和pizza面，所以當選便被嘲「豬扒港姐」、「闊面港姐」、「史上最醜港姐」。
同年她參選「第57屆世界小姐」，獲愛心小姐榮譽，奪此獎者會自動晉身決賽，所以嘉兒順利晉身16強，她亦成為香港代表在世姐競選中近廿年來最好成績的一位，對上獲名次的香港代表為1987年的楊寶玲。
2010年至2011年
Pizza面早早已成張嘉兒的標記，她深知自己缺點，經常以兩頰的秀髮遮蓋兩腮，可惜一露齒笑就現形。
2012年至2013年
嘉兒及後將秀髮留長，keep住韻味兼頻頻曬胸，務求轉移視線，一轉就幾年，仲愈來愈索…
法包成形
經過歲月洗禮，嘉兒樣貌成功精益求精，彎月形粉臉完美成形！下巴兜兜絕對係典型靚女臉形，明明發文說明話晒指甲，其實明眼人一睇就知晒尖面，從此不再豬扒喇！
豬扒港姐成功除名，擠身索女之位，與波神高寧、苟芸慧、朱璇等合照，丁點都唔輸蝕！
在無綫劇集《警犬巴打》中，張嘉兒劇內她未有騷身裁，只以純純兔冬菇頭幼稚園主任造型搶鏡，好多當時已有唔少人話佢突然靚咗好多，臉頰冇以前咁闊，下巴又尖咗！
張嘉兒曾被拍得與金剛夜蒲，令緋聞甚囂塵上，嘉兒強調只是美麗的誤會：「真係冇嘢，但佢係幾好嘅，大家無所不談，成日吹水傾無聊嘢，我哋一企埋一齊就會笑到肚攣，但唔知點解總係唔過電囉！」
2015年嫁人
張嘉兒於2015年嫁金融才俊男友Nathan，2016年誕下長女Leora。去年張嘉兒在社交平台中宣佈再次懷孕，成功三年抱兩，又靚又幸福令人羨慕呀！
